Die begrip Afrikaanse woordkuns omvat Digkuns, Skryfkuns, Dramakuns, Liriekekuns en Kultuurhistoriese aspekte.
Dit is 'n poging om eiesoortige behoeftes te bepaal, kundiges op elke gebied te raadpleeg en doelgerigte steun te fasiliteer veral om nuwe talent raak te sien, aan te moedig, te ondersteun.te erken, en tot publikasie te bring. Afrikaanse woordkuns het ook ten doel om te rapporteer oor gebeure en publikasies, met gepaste skakels na bestaande webtuistes en sosiale blaaie.
Afrikaanse woordkuns is ook die mondstuk van Cordis Trust se vernuwende benadering tot steun, mentorskap, pryse en publikasie.
Die Cordis Trust Afrikaanse woordkunsakademie is 'n sambreelfunksie om die groot verskeidenheid projekte te fasiliteer, te konsulteer met kundiges, fondse te beplan en beleid te bepaal.
Woordpalet plaas besondere klem op die digkuns en kompetisies (wat publikasievoordele insluit) .
Woordpalet was 'n privaatpublikasie in 1992 van die skryfwerk van wyle Mardene Marais wat onder andere deur Vader Frans Claerhout geïllustreer is en waarvan verskeie gedigte en poëtiese prosa deur hom in skilderye uitgebeeld is. Laraine Campbell se skildery van Mardene het as voorblad gedien. Die skildery was in 2010 die grondslag vir 'n internasionale aanlyn digkompetisie onder leiding van die sosiaal-wetenskaplike skrywer/digter Myra Lochner (Kreativ SA, George) met verstommende resultate wat onlangs (Julie 2013) as Soulscape gepubliseer is. Daar is besondere klem op die helende aspekte van die digkuns . Projekte sal onder andere as dagdigte (www.dagdigte.co.za), droomsig (www.droomsig.co.za) en notewoorde (www.notewoorde.co.za) hanteer word. Daar is ook geleentheid om aan groepbundels deel te hê wat handel oor onderwerpe soos verlies en versoening.www.woordpalet.co.za
Stories SA (www.storiessa.co.za) bied geleentheid vir deelname aan 'n verskeidenheid temas (20+) met die oog op wye toegang vir lesers; e-boeke; en keurpublikasies.
Kunspalet (www.kunspalet.co.za) spreek 'n behoefte by kunstenaars aan om in skilderkuns, fotografie, grafiese werk, tekeninge en selfs grafitti uiting te gee aan die uitbeelding van die omgewing en gemeenskap; om groter blootstelling en erkenning te kry; en om nasionaal deel te neem aan die uitbeelding van sosiale aspekte van Suid-Afrika, dikwels in globale verband.
Die Boektuiste (www.dieboektuiste.co.za) het in 1999 as 'n konsep ontstaan met die aankoop van n ou karaktervolle gebou in Pretoria om as restourasieprojek omskep te word as 'n hoofkwartier vir Cordis Trust en waar talle van die inisiatiewe, insluitende 'n fisiese boekwinkel, ten uitvoer gebring kon word. Die munisipale regulasies was egter te beperkend. Die kuberruim bied 'n platform om deur Die Boektuiste 'n fisiese ruimte na te boots waar besoekers heerlik kan saamkuier en inligting uitruil.
Die Orde van die goue pen (www.ordevandiegouepen.co.za) toekennings met publikasievoordele by Cordis Trust Publikasies is 'n unieke nisgeleentheid om Afrikaanse publikasies die lig te laat sien wat normaalweg nie winsgewend gepubliseer kan word nie en ook om aspirant-skrywers/digters beter geleenthede te gee. Die 2012 toekennings het verskeie erkende skrywers/digters ingesluit met die oogmerk dat hulle adviserend optree. Die gesogte toekenning is in 2015 aan 5 leiers in Afrikaanse woordkuns gedoen: Frances Galloway (LitNet); Tom Gouws (Literator en Digter); Neels Jackson (Joernalis/Skrywer); Marlise Joubert (Versindaba) en Magdaleen Kruger (RSG Stasiebestuurder). Foto's en sertifikaatafbeeldings is op hierdie webtuiste te sien.
Die Orde van die Beiteltjie is toekennings vir woordkunstenaars wat deurlopend met ywer op aspekte van die woordkuns fokus. In 2015 is 25 toekennings gedoen. Foto's en sertifikaatafbeeldings is op hierdie webtuiste te sien.
Cordis Trust Publikasies ( www.cordistrustpublikasies.co.za) het reeds (Januarie 2015) tien digbundels, een geestelike boek en een vertaalde werk uit Latyn na Afrikaans gelewer en verskeie publikasies is in 'n beplanningstadium.
Skeppende Mense (www.skeppendemense.co.za) bestaan as 'n facebook inligtingsblad..Dit sal ook oor tyd 'n omvattende verwysing bied na profiele van Afrikaanse woordkunstenaars.
Dit is 'n poging om eiesoortige behoeftes te bepaal, kundiges op elke gebied te raadpleeg en doelgerigte steun te fasiliteer veral om nuwe talent raak te sien, aan te moedig, te ondersteun.te erken, en tot publikasie te bring. Afrikaanse woordkuns het ook ten doel om te rapporteer oor gebeure en publikasies, met gepaste skakels na bestaande webtuistes en sosiale blaaie.
Afrikaanse woordkuns is ook die mondstuk van Cordis Trust se vernuwende benadering tot steun, mentorskap, pryse en publikasie.
Die Cordis Trust Afrikaanse woordkunsakademie is 'n sambreelfunksie om die groot verskeidenheid projekte te fasiliteer, te konsulteer met kundiges, fondse te beplan en beleid te bepaal.
Woordpalet plaas besondere klem op die digkuns en kompetisies (wat publikasievoordele insluit) .
Woordpalet was 'n privaatpublikasie in 1992 van die skryfwerk van wyle Mardene Marais wat onder andere deur Vader Frans Claerhout geïllustreer is en waarvan verskeie gedigte en poëtiese prosa deur hom in skilderye uitgebeeld is. Laraine Campbell se skildery van Mardene het as voorblad gedien. Die skildery was in 2010 die grondslag vir 'n internasionale aanlyn digkompetisie onder leiding van die sosiaal-wetenskaplike skrywer/digter Myra Lochner (Kreativ SA, George) met verstommende resultate wat onlangs (Julie 2013) as Soulscape gepubliseer is. Daar is besondere klem op die helende aspekte van die digkuns . Projekte sal onder andere as dagdigte (www.dagdigte.co.za), droomsig (www.droomsig.co.za) en notewoorde (www.notewoorde.co.za) hanteer word. Daar is ook geleentheid om aan groepbundels deel te hê wat handel oor onderwerpe soos verlies en versoening.www.woordpalet.co.za
Stories SA (www.storiessa.co.za) bied geleentheid vir deelname aan 'n verskeidenheid temas (20+) met die oog op wye toegang vir lesers; e-boeke; en keurpublikasies.
Kunspalet (www.kunspalet.co.za) spreek 'n behoefte by kunstenaars aan om in skilderkuns, fotografie, grafiese werk, tekeninge en selfs grafitti uiting te gee aan die uitbeelding van die omgewing en gemeenskap; om groter blootstelling en erkenning te kry; en om nasionaal deel te neem aan die uitbeelding van sosiale aspekte van Suid-Afrika, dikwels in globale verband.
Die Boektuiste (www.dieboektuiste.co.za) het in 1999 as 'n konsep ontstaan met die aankoop van n ou karaktervolle gebou in Pretoria om as restourasieprojek omskep te word as 'n hoofkwartier vir Cordis Trust en waar talle van die inisiatiewe, insluitende 'n fisiese boekwinkel, ten uitvoer gebring kon word. Die munisipale regulasies was egter te beperkend. Die kuberruim bied 'n platform om deur Die Boektuiste 'n fisiese ruimte na te boots waar besoekers heerlik kan saamkuier en inligting uitruil.
Die Orde van die goue pen (www.ordevandiegouepen.co.za) toekennings met publikasievoordele by Cordis Trust Publikasies is 'n unieke nisgeleentheid om Afrikaanse publikasies die lig te laat sien wat normaalweg nie winsgewend gepubliseer kan word nie en ook om aspirant-skrywers/digters beter geleenthede te gee. Die 2012 toekennings het verskeie erkende skrywers/digters ingesluit met die oogmerk dat hulle adviserend optree. Die gesogte toekenning is in 2015 aan 5 leiers in Afrikaanse woordkuns gedoen: Frances Galloway (LitNet); Tom Gouws (Literator en Digter); Neels Jackson (Joernalis/Skrywer); Marlise Joubert (Versindaba) en Magdaleen Kruger (RSG Stasiebestuurder). Foto's en sertifikaatafbeeldings is op hierdie webtuiste te sien.
Die Orde van die Beiteltjie is toekennings vir woordkunstenaars wat deurlopend met ywer op aspekte van die woordkuns fokus. In 2015 is 25 toekennings gedoen. Foto's en sertifikaatafbeeldings is op hierdie webtuiste te sien.
Cordis Trust Publikasies ( www.cordistrustpublikasies.co.za) het reeds (Januarie 2015) tien digbundels, een geestelike boek en een vertaalde werk uit Latyn na Afrikaans gelewer en verskeie publikasies is in 'n beplanningstadium.
Skeppende Mense (www.skeppendemense.co.za) bestaan as 'n facebook inligtingsblad..Dit sal ook oor tyd 'n omvattende verwysing bied na profiele van Afrikaanse woordkunstenaars.
'n Geleentheid vir deelname aan kort-kortstories vir jeugskrywers binne die tema Stories uit die hart in gesinsverband.
